سەرۆك بارزانی پێشوازی لە باڵیۆزی بەریتانیا لە عێراق دەكات
پەیامی کورد ... ئەمڕۆ سێشەممە ١٧ـی ١٢ـی ٢٠١٩ لە سەلاحەددین سەرۆك مەسعود بارزانی پێشوازی لە ستیفن هیكی باڵیۆزی تازەی بەریتانیا لە عێراق و شاندێكی یاوەری كرد.
لە دیدارەكەدا سەرۆك بارزانی پیرۆزبایی دەستبەكاربوونی باڵیۆزی تازەی بەریتانیا لە عێراق كرد و هیوای سەركەوتنی بۆ خواست.
هەر لەو دیدارەدا بارودۆخی سیاسی عێراق و كێشە و تەحەددیاتی بەردەم پڕۆسەی سیاسی عێراق و داوكاریی خۆپێشاندەران و هەروەها نیگەرانییەكان لەبارەی سەرهەڵدانی بۆشایی ئیداری و سیاسی تاوتوێ كرا.
لە بەشێكی تری ئەو كۆبوونەوەیەدا تیشک خرایە سەر پەیوەندییەكانی نێوان هەرێمی كوردستان و بەریتانیا و باڵیۆزی بەریتانیا لە عێراق جەختی لەوە كردەوە كە ووڵاتەكەی خوازیاری ئەوەیە كە هەرێمی كوردستان بەهێز و یەكگرتوو بێت.
ئاڵوگۆڕكردنی بیروڕا لەبارەی بارودۆخی سووریا و مەترسییەكانی سەرهەڵدانەوەی داعش تەوەری تری ئەو دانیشتنە بوون.