منداڵێکی کوردی خەڵكی ورمێ، خەڵاتێکی زانستی جیهانی دەباتەوە

پەیامی کورد    ...   منداڵێکی کوردی خەڵكی ورمێ، خەڵاتێکی زانستی جیهانی دەباتەوە

ئەمیرموحەممەد ئیبراهیمی، منداڵێکی کوردی خەڵکی ورمێ، پلەی یەکەمی لە پێشبڕکێی جیهانی "یوو سی مەس" بە بەشداری ٥٨ ووڵات و ١٥٠٠ بەشدار، لە جۆرجیا بەدەست هێناوە.
 "یوو سی مەس" جۆرێکە لە ڕاهێنانی مێشک کە منداڵانی ٤ بۆ ١٣ ساڵ فێر دەبن بەبێ بەکارهێنانی هیچ کەرەستەیەک و تەنیا لە زەینی خۆیاندا ووڵامی پرسیاری بیرکاریی قورس بدەنەوە.
ئەمیر محەممەد ئیبراهیمی، براوەی خەڵات لە پێشبڕکێی یوو سی مەس، ڕایگەیاند: خۆشحاڵم کە ئەم خەڵاتەم بەدەست هێناوە، من لە ماوەی دیاریکراوی پێشبڕکێكەدا، ووڵامی ڕاستی ١٢٩ پرسیارم دایەوە و خەڵاتی یەکەمم وەرگرت.

ئیبراهیمی، لە تەمەنی شەش ساڵییەوە ڕاهێنان دەکات و  بۆ ئەم پێشبڕکێییە ماوەی زیاتر لە ٨ مانگ ڕۆژانە ٦ بۆ ٧ کاتژمێر بە دوو شێوە ڕاهێنانی کردووە، یەکێکیان بە نووسین و ئەوەی دیکەش بە گوێدان و بیرکردنەوە.

مەجید ئیبراهیمی، باوکی ئەمیر، دەڵێت، تێچووی بەشداری کردن لە پێشبڕکێیەکان لە ئەستۆی خۆمان بووە و حکوومەتی ئێران هیچ هاوکارییەکی نەکردووە.