Israel Katz:Tevî agirbesta duh jî wê êrişên li ser Libnanê berdewam bikin

PeyamaKurd - Wezîrê Parastina Îsraîlê Israel Katz ragihand ku tevî peymana agirbestê ya ku duh pêk hatiye jî, artêşa Îsraîlê dê ji bo niha operasyonên xwe yên li Libnanê berdewam bike û ji herêmê venakişe. Katz destnîşan kir ku hêzên Îsraîlê dê li navçeyên berfireh ên başûrê Libnanê bimînin, ku ev der wekî herêmeke tampon ji bo parastina niştecihên cihû yên li bakur hatiye avakirin.

Wezîrê Îsraîlî her weha aşkere kir ku ew ê destûrê nedin bi hezaran welatiyên Libnanî yên ku ji destpêka şerê meha Adarê vir ve ji malên xwe hatine derxistin vegerin gund û bajarên xwe û got: "Îsraîl dê rûxandina binesaziyên terorîstî yên li herêmê berdewam bike." Katz tekez kir ku welatê wî bi piştgiriya Amerîkayê xwedî mafê azadiya tevgerê ye daku li beramberî her êrişekê, taxên Beyrûdê bide ber bombeyan.

Çarçoveya peymana agirbestê û şertê paşvekişîna Hizbullahê

Ev daxuyaniyên tund piştî temambûna xala 4’emîn a danûstandinên rasterast ên di navbera şandên Îsraîl û Libnanê de hatin ku bi navbeynkariya Amerîkayê bi rê ve çûbûn. Di daxuyaniya hevpar a sê aliyan de hat destnîşankirin ku li ser pêkanîna agirbestê lihevkirin çêbûye, lê belê ev pêvajo bi temamî bi rawestandina êrişên Hizbullahê û vekişîna hemû çekdarên vê komên  ji herêma Başûrê Lîtanî ve girêdayî ye. Tevî vê lihevkirinê jî, helwesta serbazî ya Tel Avîvê nîşan dide ku rûbera aramiyê li ser sînor hîn jî pir xedar û nediyar e.