Îsraîlê bi êrîşên ser Tehranê bersiva êrîşa moşekî da

PeyamaKurd - Artêşa Îsraîlê ragihand ku li dijî hedefên rejîmê yên li paytexta Îranê Tehranê pêleke nû ya êrîşan hatiye destpêkirin.

Dema ku bandora êrîşên Îranê yên li ser bajarên Dîmona û Arad ên Îsraîlê berdewam dikir, ji artêşa Îsraîlê bersiveke nû ya tolhildanê hat. Di daxuyaniya Hêzên Parastina Îsraîlê (IDF) de hat diyarkirin ku li dijî hedefên rejîmê yên li Tehranê pêleke nû ya êrîşan hatiye destpêkirin.

Di dîmenên ku ji aliyê kamerayên amator ve hatine kişandin de tê dîtin ku piştî bombardimanê, ji esmanê Tehranê agir û dûman bilind dibe.

Di êrîşên Îranê de herî kêm 135 kes birîndar bibûn

Îranê li dijî bajarên Îsraîlê rêze-êrîşên tolhildanê pêk anîbûn û artêşa Îsraîlê ragihandibû ku herî kêm du ji wan êrîşan nehatine astengkirin. Hat eşkere kirin ku di encama êrîşan de, li bajarê Dîmona yê Îsraîlê 51 kes û li bajarê Aradê jî 84 kes, bi giştî herî kêm 135 kes birîndar bûne.