Ji Washingtonê biryara Tom Barrack bo Sûriye û Iraqê

PeyamaKurd - Wezîrê Derve yê Amerîkayê Marco Rubio, ragihandi ku Balyoz Tom Barrack tevî ku erkê wî yê fermî wekî Nûnerê Taybet ê Sûriyeyê bi dawî bûye, dê di rêveberiya Serok Donald Trump de serkêşiya dosyayên Sûriye û Îraqê bidomîne.

Rubio pesnê xebatên Barrack da û destnîşan kir ku wî wekî nûnerê taybet roleke bêhempa lîstiye.

Wezîrê Derve sedema vê biryara stratejîk diyar kir û got ku pisporî, têkilî û têgihiştina kûr a Barrack a ji bo ajendaya "Pêşî Amerîka" (America First), dê di qonaxa bê de ji bo berjewendiyên welatê wan destkeftiyên pir girîng û nû bi dest bixe.