Li Bexdayê bi dronan Baregeha Îstîxbarata Iraqê hat bombebarankirin

PeyamaKurd - Şaneya Medyayê ya Ewlehiyê ya Iraqê ragihand ku îro Şemiyê (21ê Adara 2026an), droneke xwekuj baregeha Dezgeha Îstîxbarata Neteweyî ya Iraqê li paytext Bexdayê hedef girt.

Êrîş li taxa Mensûrê pêk hat 

Serokê Şaneya Medyayê ya Ewlehiyê, Lîwa Saad Maan, di daxuyaniyeke kurt de eşkere kir ku baregeha îstîxbaratê ya li taxa Mensûrê di saet 10:15an sibehê de hatiye bombebaran kirin. Mensûr wekî yek ji taxên herî parastî û stratejîk ên paytextê tê naskirin.

Ziyanên canî û maddî nayên zanîn

Tevî ku êrîş hat piştrastkirin, rayedarên Iraqî diyar kir ku heta niha tu agahî derbarê qurbaniyan an jî asta zirarên maddî de nehatine bidestxistin. Tîmên ewlehiyê li cihê rûdanê lêkolînên xwe berdewam dikin da ku encamên êrîşê tespît bikin.

Heta vê kêliyê tu alî yan jî grûpeke çekdar berpirsiyariya vê êrîşê negirtiye ser xwe. Ev rûdan di demekê de tê ku şertê li herêmê û êrîşên li ser navendên serweriyê yên Herêma Kurdistanê û Iraqê zêde bûne.