Neh welat wê banka parastinê ava bikin

PeyamaKurd - Neh welat, tevî Tirkiye, wê bankek parastinê ava bikin da ku şiyanên parastinê yên Ukrayna û hevalbendên wê xurt bikin. Tê payîn ku ev banka ku navenda wê li Kanadayê ye, di sala 2027an de dest bi kar bike.

Tirkiye, Kanada, Albanya, Belçîka, Yûnanîstan, Letonya, Lûksembûrg, Romanya û Ukraynayê biryar dane ku Banka Parastinê, Ewlehî û Berxwedanê (DSRB) ava bikin.

Li gorî BBC Turkish, ev bank wê bi dabînkirina fînansmanê ji bo veberhênanên parastinê piştgiriyê bide pêşxistina şiyanên çek û parastinê yên Ukrayna û welatên hevalbendên wê.

Pêşbînî tê kirin ku DSRB ku navenda wê li Kanadayê ye, di sala 2027an de dest bi kar bike.

Serokwezîrê Kanadayê Mark Carney diyar kir ku ev bank dê rê li ber veberhênanên parastinê veke û got, "DSRB wê bingeha pîşesaziya me ya parastinê xurt bike û kapasîteya ku Kanada û hevalbendên wê hewce ne peyda bike da ku li hember dijwarîyên di cîhanek xeternaktir û parçebûyî de biserkevin."

Damezrandina vê bankê piştî 36emîn Civîna Bilind a Serokên Dewlet û Hikûmetan a NATOyê ku di 7-8ê Tîrmehê de li Enqerê hate lidarxistin, hate ragihandin.