Piştî 16 salan li Amerîkayê 3 kes hatin îdamkirin

PeyamaKurd - Li Dewletên Yekbûyî yên Amerîkayê (DYA) piştî nêzîkî 16 salan cara yekem e ku di yek rojê de du kes têne îdamkirin.

Li eyaletên Oklahoma û Tennesseeyê du girtî yên bi navê Carlos Cuesta-Rodriguez (70) û Anthony Darrell Hines (66) bi rêya derziya jehrî hatin îdamkirin.

Hate ragihandin ku navberiya îdama her du girtiyan tenê nêzî 30 deqîqe bûye û li eyaleta Alabamayê jî cîbicîkirina cezayê girtiyê sêyemîn Jeremy Williams tê çaverêkirin.

Heke îdama sêyemîn jî pêk werê, ev ê ji sala 2010an vir ve bibe yekem car ku di rojekê de 3 girtî li DYAyê tên îdamkirin.

Rayedaran destnîşan kir ku lihevhatina van dîrokan tevdîreke hevaheng nîne û tenê tesadufek e, lê belê ev bûyer balê dikişîne ser zêdebûna cezayên mirinê yên li Amerîkayê.

Di sala 2025an de li DYAyê 47 girtî hatibûn îdamkirin ku ev rekor ji sala 2009an vir ve hejmara herî bilind a salane ye.