Rûsyayê ji bo krîza nukleerî pêşniyara ‘rêya sêyemîn’ kir

PeyamaKurd - Kremlînê ji bo rêgirtina li karesateke gerdûnî bi daxuyaniyeke fermî ragihand ku ew amade ne uranyuma meyandî ya Îranê werbigirin û li ser xaka Rûsyayê biparêzin.

Berdevkê Kremlînê Dmitry Peskov diyar kir ku ev pêşniyar ji bo derbasbûna xitimîna dîplomatîk a di navbera Washington û Tehranê de wekî "pirekê" hatiye amadekirin.

Herwiha Peskov hişyarî da ku dorpêça deryayî ya Donald Trump a li ser Tengava Hurmizê dê aboriya cîhanê û bazarên enerjiyê serûbinî hev bike.

Pêşniyara Rûsyayê wekî hewldanek tê dîtin ku kapasîteya Îranê ya hilberîna çekên nukleerî bi awayekî teknîkî ji holê rake û agirbestê pêk bîne. Lê belê, her çend Moskow bi vê gava xwe dixwaze bibe navbeynkar, pisporên siyasî bi fikar in ka gelo rêveberiya Trump a ku daxwaza "hilweşandina tam a binesaziya nukleerî" dike, dê vê "wergirtina uranyumê" ya Rûsyayê qebûl bike yan na.