Li Silopiya 2 malbat lihev hatin

PeyamaKurd- Sala borî li Silopiya li navçeya Şirnexê di navbera du malbatan de şer derketibû û du kes jiyana xwe ji dest dabûn. Bo rakirina xwîndariyê ji holê, rêvebirên bajarê Şirnexê bi parlementerê Şirnexê Rizgîn Birlik, bi parêzger û qeymeqamê Silopiya û bi rûsipiyên bajêr ve ketin navbera her dû malabatan û wan lihev anîn.

Di lihevanînê de parlementerê AKP ê Birlik axaftineka bi Kurmancî kir û meşeka dirêj ya aştiyê kirin. Parêzgerê Şirnexê di axaftina xwe de behsa erdheja li Xarpêtê ku çawa millet di rojên weha de bi hevre tevdigere û girîngiya aştiyê anî ziman.

Muftiyê Şirnexê Ramazan Tolan jî bo her dû kesên kuştî û kesên ku di erdheja Xarpêtê de jiyana xwe ji dest dan dia kir û fatîhê xwend.

Sala borî di navbera du malbatan de pevçûna ku çêbû, tê de kesên bi navên Cemal İsaoğlu paşî yê bi navê Ferhad Şengil hatibûn kuştin.