Mem Dogala bû Serokê Federasyona Zimanê Kurdî ya Navnetewî

Federasyona Zimanê Kurdî ya Navdewletî yekemîn kongreya xwe ya asayî li bajarê Düsseldorfê yê Almanyayê li dar xist.

Piştî bidawîhatina karên kongreyê, lijneya rêveberiyê ya nû di 7ê Tîrmeha 2026an de yekemîn civîna xwe bi mebesta hilbijartina serokatiyê li dar xist. Dengdan di bin çavdêriya Cîgira Serokê Konfederasyona Diyaspora Kurdistanî Şermîn Bozarslan û Endamê Damezrîner Xelîl Şerîf de pêk hat û 3 namzetan ji bo serokatiyê hevrikî kirin.

Mem Dogala, ji nav 8 dengên hatine bikaranîn 6 deng bi dest xistin û ji bo 3 salên pêş de careke din wekî serokê Federasyona Zimanê Kurdî ya Navdewletî hat hilbijartin.

Derbarê Federasyona Zimanê Kurdî de

Federasyona Zimanê Kurdî ya Navdewletî 6ê Tîrmeha 2024an li bajarê Kölnê hatibû avakirin û di demeke kurt de tora xwe berfireh kiriye û li seranserê Ewropayê ligel 35 saziyên perwerdeyê pewendî daniye da ku bigihîje hezaran xwendekaran.

Herwiha ev sazî bi Wezareta Perwerdeyê ya Hikûmeta Herêma Kurdistanê re jî di nav hevahengiyeke girîng de ye.

Di kongreyê de ku di 27ê Hezîrana 2026an de bi beşdariya 200 zimanas, akademîsyen, mamoste û siyasetmedaran hat birêvebirin, lijneyeke nû ya rêveberiyê ku nûnerên ji çar parçeyên Kurdistanê tê de cih digirin hat avakirin û Mem Dogala jî wekî endamê vê lijneyê cih girtibû.