'Almanya tu pirsgirêkekê nabîne ku Îran çekên nukleerî bi dest bixe'

PeyamaKurd - Serokê Amerîkayê Donald Trump got ku Şansolyerê Alman Friedrich Merz bi awayekî erênî li bidestxistina çekên nukleerî ji aliyê Îranê ve dinêre.

Di daxuyaniyekê de ku îro li ser platforma medyaya civakî Truth Social hat kirin, Donald Trump Şansolyer Merz hedef girt.

Trump, bi tundî rexne li Merz kir û got, "Şansolyerê Alman Friedrich Merz difikire ku ji bo Îranê hebûna çekên nukleerî baş e. Ew nizane çi diaxive!"

Di berdewamiya daxuyaniya xwe de, Serokê Amerîkayê îdia kir ku Îran wê êrîşekê li ser herêmê bike û got, "Ger Îranê çekên nukleerî hebûya, tevahiya cîhanê wê rehîn bibûya. Ez tiştekî di derbarê Îranê de dikim ku divê welatên din an serokên din pir zûtir bikirana."

Di dawiyê de, Trump Şansolyerê Alman hedef girt û got, "Ne ecêb e ku Almanya di rewşek wusa xerab de ye, hem ji hêla aborî ve û hem jî ji hêla din ve!"

Gotinên Trump nîşan didin ku aloziyên dîplomatîk ên di navbera Washington û Berlînê de kûrtir dibin, nemaze li ser bernameya nukleerî ya Îranê û çawaniya çareserkirina şer li herêmê.