Trump şerê ligel Îranê bi awayê demkî rawestand

PeyamaKurd - Medyaya Amerîkayê ragihand ku Serokê Amerîkayê Donald Trump ferman daye artêşa welatê xwe ku êrîşên leşkerî yên li ser Îranê bisekinînin.

Bi vê biryarê re zincîreya bombebaranan a ku 13 roj in berdewam dikir hat qutkirin. Li gorî agahiyên ku malpera Axiosê eşkere kirine, Trump di nava du hefteyên borî de cara yekem e ku plana êrîşê ya ku ji aliyê artêşê ve hatibû amadekirin qebûl nekiriye.

Trump diyar kir ku ew di vê demê de li ser vebijarka peymanekê difikirin û hemû derfet di destê wan de ne, lê gotiye ku girêdana peymanekê stratejiyeke çêtir e.

Rawestandina êrîşan piştî ku şandeyeke ji Omanê gihîşt Tehranê pêk hat ku derbarê peymaneke nû ya ji bo vekirina Tengava Hurmizê de danûstandinan bikin. Çavkaniyên herêmê destnîşan kirin ku di van gotûbêjan de pêşketinên berbiçav hatine tomarkirin û mimkun e di dawiya hefteyê de peywendiyeke nû li ser vê mijarê çêbibe.