Vance: Em ji bo lihevkirineke bi Îranê re vekirî ne

PeyamaKurd - Cîgirê Serokê Dewletên Yekbûyî yên Amerîka (DYA) James David Vance, di hevpeyvîneke xwe de li ser mijarên derve axivî û da zanîn ku ew ji bo lihevkirineke bi Îranê re hîn jî vekirî ne, lê divê Îran di warê bernameya xwe ya nukleerî de tawîzên watedar bide.

Vance destnîşan kir ku armanca dewlemendkirina uranyumê ya Îranê nayê qebûlkirin û got: "Heke hûn çekên nukleerî naxwazin, çima pêdiviya we bi sotemeniya bi rêjeya ji sedî 60 dewlemendkirî heye? Heke hûn dixwazin pabendbûna xwe nîşan bidin, divê di kapasîteya dewlemendkirinê de gavên watedar biavêjin. Em ê kiryaran li şûna gotinan esas negirin."

Di daxuyaniyê de, Vance her wiha bal kişand ser wê yekê ku piştî kuştina Rêberê Olî Alî Xameneyî, di biryarbirîna nava rêveberiya Îranê de hinek alozî û nepenî hene, lê dîsa jî ew di nava pêvajoya dîplomatîk de ne.