Berhem Salih: Nabe Kerkûk bi qayyûm bê îdarekirin

PeyamaKurd- Serokkomarê Iraqê Berhem Salih li Bexdayê li koşka serokkomariyê bi serokên eşîran û rûsipiyên ku li Kerkûkê dijîn re hevdîtinekî pêkanî.

Serokomarê Iraqê Berhem Salih di civînê de ragihand ku Kerkûk nabe bi qayyûm bê îdarekirin û divê pirsgirêk di çarçoveya qanûna bingehînde bê çareserkirin. Li gor ragihandina serokkomariyê; divê pirsgirêkên bajêr bi pêkhateyên li bajêr re û li gor qanûna bingehîn bêçareserkirin. Berhem Salih weha got:

“Divê arîşeyên Kerkûkê li ser bingeha qanûna makezagonê bên çareserkirin û bo vê çareseriyê, di nav pêkhateyan de bo aramî û hûzûrê diyalogên pêkhateyan pir başin. Kerkûk bi qayyûm û zordariyê nayê îdarekirin. Serokwezîr Mustafa Kazimî jî di mijara çareseriya pirsgirêkên Kerkûkê de bi dil û can dixwaze meselê çareser bike.”

Berhem Salih her weha got ku dahata petrola li Kerkûkê tê hilberîn, divê bo xizmeta xelkê Kerkûkê bê serfkirin.