Nêçîrvan Barzanî salvegera Komela Dadgerî pîroz kir

PeyamaKurd - Serokê Herêma Kurdistanê Nêçîrvan Barzanî, bi helkefta salvegera damezrandina Komela Dadgerî ya Kurdistanê (Komal), peyameke pîrozbahiyê weşand.

Barzanî di peyama xwe de, salvegera damezrandina partiyê bi germî li Serokê Komela Dadgerî Elî Bapîr, endam, kadro û tevahiya alîgir û cemawerê wê pîroz kir û di xebatên wan ên siyasî de daxwaza serkeftinê ji bo wan kir.

Serokê Herêma Kurdistanê herwiha girîngiyeke taybet nîşanî pêgeha hêz, aliyên siyasî û hemû pêkhateyên cuda yên Kurdistanê da û tekezî li ser xurtkirina hevfêmkirin û yekrêziya nîştimanî kir.

Nêçîrvan Barzanî diyar kir ku ji bo parastina berjewendiyên bilind ên gelê Kurdistanê û misogerkirina paşerojeke hîn geştir, aram û seqamgîrtir, pêwîstiya herêmê bi karê hevpar û pêngavên hevgirtî heye û ev bîranîn di qonaxa niha de fersendeke girîng e ji bo nûkirina van peymanên neteweyî.