Projeqanûna budceya Kurdistanê ji Bexdayê re hat şandin

PeyamaKurd - Wezareta Darayî û Aborî ya Hikûmeta Herêma Kurdistanê ragihand ku piştî zêdetirî mehekê ji nirxandin û danûstandinên hûr, amadekirina pişka Herêma Kurdistanê ji bo projeqanûna budceya federalî ya sala 2027ê bi dawî hatiye.

Wezaretê diyar kir ku ev proje hem bi awayê kaxezî û hem jî serhêl (online) bo Wezareta Darayî ya Federal a li Bexdayê hatiye şandin.

Di daxuyaniyê de hate destnîşankirin ku di projeyê de hemû mafên destûrî û pêdiviyên darayî yên Herêma Kurdistanê bi zelalî hatine bicihkirin.

Li gorî agahiyên Wezareta Darayî, di projeyê de çareseriya gelek pirsgirêkên navendî û darayî hatine vegirtin. Ji van xalan yên herî girîng: dabînkirina mûçeyên fermanber, xanenişîn û malbatên şehîdan; hevtakirina mûçeyên Pêşmerge û xanenişînan ligel yên Iraqê; destpêkirina bilindkirina pileyên fermanberan (pola); herdemîkirina fermanberên girêbestê; damezrandina derçûyên yekem ên zanîngehan û bijîşkan; û veqetandina budceyê ji bo projeyên xizmetguzariyê ne.

Wezaretê bang li fraksiyonên Kurdistanî yên li Parlamentoya Iraqê kir ku bi yekhelwestî berevaniyê ji van mafan bikin da ku budceya welatiyan zûtirîn dem bê misogerkirin.