Li taxên Sêx Meqsûd û Esrefiyê 6 kes bi koronayê ketin

PeyamaKurd - Meclîsa Tenduristiyê ya taxên Şêxmeqsûd û Eşrefiyê yên Helebê ku di bin kontrola Kurdan de ne ragihand, li her du taxan 6 kes bi vîrusa koronayê ketine.

Meclîsa Tenduristiyê ya taxên Şêxmeqsûd û Eşrefiyê yên Helebê bi daxuyaniyeke nivîskî ragihand ku li her du taxan 6 kes bi Covid-19 ketine ku 2 ji wan baş bûne û 4 nexweş jî li malên xwe têne dermankirin.

Meclîsa Tenduristiyê di daxuyaniyê de bang li welatiyan kir ku tedbîrên xweparastinê bigirin da ku rê li pêşiya belavbûna pandemiyê were girtin û ji welatiyan jî xwest, dema nîşaneyên vîrusê li wan peyda bûn an jî ji hinekan bi guman bûn, yekser agahiyê bidin wan.

Ji destpêka belavbûna vîrusa koronayê a li Sûriyê ve, yekem car e li taxên Şêxmeqsûd û Eşrefiyê nexweşên Covid-19 têne tomarkirin.