Amerîka, firotina F-35 an bo Îmaratan da rawestandin

PeyamaKurd – Wezareta karên derve ya Amerîkayê firotina balafirên F-35 ya bo dewleta Îmaratan û gelek peymanên leşkerî yên din da rawestandin. Sedema rawestandina hinek peymanan digel peymana bi Îmaratan re ew e ku derfet bo rêvebiriya nû çêbibe da li ser peymanan bifikirin û lêkolînê bikin.

Tê gotin ku ev di guhertina serokatiya Amerîkayê de tişteka normale. Di nava firotinên hatine rawestandin de Îmarat, Erebistana Si’ûdiyê û hin dewletên din hene ku di wexta Trump de hatine erêkirin.

Wezîrê niha yê karên derve yê Amerîkayê Antony Blinken, hefteya borî di senatiyê de axfî bû û gotibû bo normalîzekirina têkiliyên bi Îsraîlê re hinek tawîz bo hinek dewletan hatine dayîn lê divê car din li ser wan peymanan vekolînan bikin.