Amerîkayê 200 TIR alîkarî gihandin Rojhilatê Firatê

PeyamaKurd - Rawengeha Suriyê ya Mafên Mirovan (SOHR) ragihand ku Hevpeymaniya Navdewletî ya li dijî DAIŞê nêzîkî 200 barhilgir pêdawîstî, çek û hevkarîyên lojistîkî gihandin deverên bin kontrola Hêzên Suriya Demokratîk (HSD).

SOHRê di raporta xwe ya dawî de diyar kir ku heta niha 2 hezar û 300 barhilgir alav, pêdawîstîyên lojistîkî û serbazî bi 23 karwanan gihiştîye deverên jêr desthilata HSDê li rojahilata Firatê.

Hêjayî bibîrxistinê ye, piştî rêkeftina bo herêma ewle ya navbera Amerîka-Tirkiyê jî ev alîkariyên leşkerî bênavber dewam dikin ku doh jî hatibû ragihandin ku 60 TIR alîkarî gihîştiye Kobaniyê.