Li Mûsê operasyon: 29 kes hatin binçavkirin

PeyamaKurd – Li bajarê Mûşê yê bakurê Kurdistanê di encama operasyona cendermeyan û hêzên emnî de, operasyonek hat encamdan ku 29 kes bi hinceta têkiliya wan bi PKK/KCKê re heye hatin binçavkirin.

Parêzgariya Mûşê ragihand ku operasyon piştî xebatên îstixbarî yên Fermandariya Cendermeyan hatiye destpêkirin û li dijî 33 kesên hatine tesbîtkirin hatiye encamdan.

Li gorî daxuyaniya parêzgariyê di operasyonê de 29 kes bi hincetên lêpirsînên propaganda û endamtiya rêxistina terorê li ser wan heye, hatine binçavkirin û di lêgerînan de jî hejmarek keleşkof, demançe û fîşekên wan hatine desteserkirin.