Dadgeha Amerîkî biryara Trump betal kir

PeyamaKurd - Dadgeheke herêmî ya li eyaleta New Yorkê ya Amerîkayê, biryara Serokê Amerîkayê Donald Trump a ku karûbarên vîzeyê yên welatiyên 75 welatan (di nav de Efxanistan, Îran, Rûsya û Somalî jî hene) rawestandibû, betal kir.

Dadger Jeannette Vargasê destnîşan kir ku ev hewldana rêvebiriyê li dijî yasayê ye û bi hinceta ku îhtimala hewcedariya van welatiyan a bi alîkariya giştî zêde ye, rawestandina vîzeyan desthilatê derbas dike.

Dadger Vargasê diyar kir ku ev biryar li dijî Yasaya Koçberî û Welatîbûnê ye û mafê biryardanê yê berpirsên konsulxaneyan ku ji aliyê Kongreyê ve hatibû destnîşankirin binpê dike.

Herwiha dadger tekez kir ku qedexekirina kategorîk a li gorî neteweyan li dijî rêziknameya yasayî ye. Wezareta Karên Derve ya Amerîkayê li ser bingeha amaran diyar kiribû ku zêdetirî ji sedî 30ê malbatên koçber ên ji van welatan alîkariya giştî werdigirin û ji ber wê serlêdan rawestandibûn.