DAISê li Selahedîn û Diyalayê êrîs pêk anîn: Kustî û birîndar hene

PeyamaKurd-  Rêxistina terorê ya DAIŞê di van demên dawiyê de êrîşên xwe zêde kirine û herî dawî êrîşî bajarên Selahedîn û Diyalayê kir. DAIŞê di herdu êrîşên xwe de leşkerî iraqî û 4 endamên Heşda Şeibiyê kuştin.

Li gorî daxuyaniya Baregeha Çapemeniyê ya Hêzên Ewlehiya Iraqê, DAIŞê li navçeya Duceyl ya ser bi parêzgeha Selahedînê êrîşî xeleke kontrole kirine û leşkerekî can daye û yek jî birîndar bûye.

Di êrîşeke din a li navçeya Uzema ser bi Diyalayê ve jî 4 endamên Heşda Şeibiyê hatin kuştin û 6 jî birîndar bûne.

Ji aliyê din ve di bombebarana hêzên Hevpeymaniya Nevdewletî de li herêma Hazer ya Nînowayê 7 endamên DAIŞê hatin kuştin.

Rêxistina terorê ya DAIŞê di demên dawiyê de li bejahiyên Kerkûk, Diyala, Selahadîn û Enbarê êrîşên xwe zêde kirine.