Daxuyaniya Yûnanistanê li ser Tengava Hurmuzê: Em amade ne

PeyamaKurd - Wezîrê Derve yê Yûnanistanê Giorgos Ierapetritis diyar kir ku welatê wî amade ye ku dema şert û merc guncaw bin, beşdarî înîsiyatîfên ku armanca wan garantîkirina azadiya seyahetê li Tengava Hurmuzê ye bibe.

Ierapetritis ev daxuyanî piştî hevdîtina bi Wezîrê Derve yê Kroatya Gordan Radman re li Atînayê ji çapemeniyê re da.

Ierapetritis, bi destnîşankirina ku Yûnanistan endamê herî kevin ê Yekîtiya Ewropî (YE) li Balkanan e, piştgiriya welatê xwe ji bo pêvajoya tevlêbûna welatên Balkanan a YEyê nîşan da.

Wezîrê Yûnanî bal kişand ser şerên li herêmê û diyar kir ku Deryaya Spî divê deryayeke aştiyê be û berevajî vê yekê nayê qebûlkirin.

Ierapetritis di derbarê rewşa li Tengava Hurmuzê de got, "Yûnanistan amade ye ku dema şert û merc guncaw bin, beşdarî înîsiyatîfên ku armanca wan garantîkirina azadiya seyahetê li Tengava Hurmuzê ye bibe."