DYA dê di navbera Ûkrayna û Rûsyayê de navbeynkariyê bike

PeyamaKurd - Nûnerê DYAê Steve Witkoff ragihand ku welatê wî dê di rojên 10-11ê Mijdarê de li Ebû Dabîyê di navbera Ûkrayna û Rûsyayê de navbeynkariya danûstandinên aştiyê bike.

Witkoff destnîşan kir ku ev gava nû di çarçoveya plana Serok Donald Trump a ji bo bidawîanîna şer de tê avêtin û nûnerên her du welatan dê li ser ewlehiya piştî şer, kêmkirina rageşiyê, alîkariyên mirovî û rêkeftineke domdar gotûbêjan bikin.

Di berdewama daxuyaniya xwe de, Witkoff da zanîn ku Heyeta Amerîkî dê li Brûkselê bi nûnerên Fransa, Almanya, Brîtanya, Yekîtiya Ewropayê û NATOyê re civînan pêk bîne da ku mîstaka ewlehiyê û avakirina aboriya Ûkraynayê gotûbêj bikin.

Wî tekez kir ku ev hewldan berdewamiya pêşketinên berê yên li Kîev, Oslo û St. Petersburgê ne û armanc mîsogerkirina aştiyeke mayînde ye ji bo nifşên pêşerojê.