"Em ê uranyuma dewlemendkirî ya di destê Îranê de tune bikin"

PeyamaKurd - Serokê Amerîkayê Donald Trump diyar kir ku ew ê hewldanên Îranê yên ji bo wergirtina xercê ji bo derbasbûna ji Tengava Hurmuzê qebûl nekin û got, "Em li ser vê yekê lêkolîn dikin, em jê haydar in. Em bacê naxwazin; ev rêyeke avî ya navneteweyî ye."

Di derbarê ka gelo Amerîka uranyuma pir dewlemendkirî bi dest bixe an na, Serok diyar kir, "Em ê piştî bidestxistina wê dibe ku wê tune bikin, lê em ê nehêlin ku ew di destê wan de bimîne."

Trump piştî bûyerek li Qesra Spî pirsên rojnamevanan ên li ser mijara Îranê bersivandin.

Trump îdia kir ku wan Îran ji hêla leşkerî ve "têk biriye", diyar kir ku danûstandinên bi Tehranê re berdewam dikin û ew ê di tu şert û mercan de nehêlin Îran çekên nukleerî bi dest bixe.

Trump tekez kir ku Tengava Hurmuzê rêyeke avî ya navneteweyî ye û divê ji bo hemî derbasbûnên bazirganî vekirî be û got, "Em li ser vê yekê lêkolîn dikin, em jê haydar in. Em derbasbûna bi bac naxwazin, ev rêyeke avî ya navneteweyî ye. Wan berê danûstandin kirine, bi wan re axivîne, em ê bibînin ka çi dibe."

Trump herwiha îdia kir ku dorpêça benderên Îranê ji hêla Amerîkayê ve bi tevahî di cih de ye û pir bi bandor e û got, "Ne keştiyek bêyî erêkirina me nekariye derbas bibe û hêzên deryayî yên me karekî mezin kirine. Ne keştî bêyî erêkirina me dikeve Îranê û ne jî derdikeve."