Emmanuel Macron serokên çar welatên Ereb vexwendin civîna bilind a G7

PeyamaKurd - Serokê Fransayê Emmanuel Macron ragihand ku rêberên Misir, Erebistana Siûdî, Qeter û Îmaratên Yekbûyî yên Ereb wê beşdarî rûniştineke taybet a Civîna Bilind a G7 bibin da ku li ser şerê li Rojhilata Navîn nîqaş bikin.

Di daxuyaniyeke doh de, Macron ragihand ku rêberên Misir, Erebistana Siûdî, Qeter û Îmaratên Yekbûyî yên Ereb wê roja Sêşemê ya bê beşdarî rûniştineke Civîna Bilind a G7 li Evian bibin û wê li ser şerê li Rojhilata Navîn biaxivin.

Di civînekê de bi nûnerên civaka sivîl re li Qesra Elysee, Macron diyar kir ku girtina Tengava Hurmuzê jî wê di rojevê de be û destnîşan kir ku "bandora wê ya rasterast li ser aboriyên me" ji ber zêdebûna girîng a bihayên sotemeniyê ye.

Li gorî AFP, Serokkomarê Fransayê herwiha got ku wê danûstandinên derbarê Îranê de werin nîqaşkirin û tekez kir ku dîtina rêyên hevkariyê "pir girîng" e.