Parlamentarê berê yê HDPê Ferhat Encu hat berdan

PeyamaKurd – Parlamentarê berê yê HDPê yê Şirnexê Ferhat Encu ku bi hinceta endamtî û propangandaya ‘rêxistina terorê’ ji 17ê Sibata 2017an ve girtîbû, îro hat berdan.

Encu bi doza Robozkê tê zanîn û ew jî wekî parlamentarên din ên HDPê di 4ê Mijdara 2016an  de hatibû girtin û piştî ku 15ê Sibatê  hatibû tehliyekirin car din biryara girtina wî hatibû derxistin û ji 17ê Sibata 2017an ve li girtîgeha Kandira ya Kocaeliyê girtî bû.

Endamên malbata Ferhat Encu di komkujiya Robozkê ya 28ê Berfanbara 2011an de can dabûn û ew bi xwe jî bi hewlên xwe yên bo ronîkirina doza Robozkê tê zanîn.

Agahiya tehliyekirina Ferhat Encu li ser medya civakî hat belav kirin.

Roboski Katliamı'nda kardeşi ve birçok yakınını kaybeden, tutuklu HDP eski Milletvekili Ferhat Encu tahliye edildi... pic.twitter.com/FClJ7dCrld

— Faruk Encu (@farukencu34) June 14, 2019