Li Îslandayê keçeke Kurd a 21 salî wek parlamenter hat hilbijartin

PeyamaKurd – Li Îslandayê keçeke Kurd a 21 salî bû parlamentera herî ciwan a wî welatî.

Roja 25ê Îlona 2021ê hilbijartinên parlamentoya Îslandê hatin lidarxistin û îro Yekşemê jî encamên wê hatin ragihandin.

Li gor encamên hilbijartinên parlamentoya Îslandê, Hevpeymaniya Çep û Rastrewan piraniya dengan qezenc kirin û ji 63 kursiyên parlamentoyê, 37 kursî misoger kirine.

Di hilbijartinên vê carê de cara yekem di parlamentoya Îslandê de hejmara parlamenterê jin ji parlamenterên zilam zêdetir e.

Keçeka Kurd a bi navê Lenya Teha Kerîm jî wek parlamenter hat  hilbijartin ku Lenya Teha 21 salî ye û parlamentera herî biçûk parlamentoya Îslandayê ye.

Lenya Teha Kerîm bavê wê Kurd e û ji sala 1993an ve çûye Îslandê û dayika wê jî ji sala 1996an ve çûye Îslandê.

Lenya dibêje, “Ez li îslandê ji dayik bûme û mezin bûme. Zimanê Îslandî gelek baş dizanim, lê hevdem dizanim jî ku ez bi esil ji malbateke koçber hatime.”