Robert Palladino: Herêma Kurdistan yek ji hevpeymana herî girîng a Amerîka ye

PeyamaKurd - Konsolê Giştî yê Amerîka li Hewlêrê Robert Palladino bibîr xist ku, Amerîka wê demeke dirêj li Herêma Kurdistanê û Iraqê bimîne û got, Herêma Kurdistanê yek ji hevpeymaneke herî girîng a Amerîkayê ye.

Robert Palladino li Hewlêrê di civînekê de wiha axivî: “Amerîka dê li ser piştevaniya Herêma Kurdistanê û Iraqê berdewam be. Serok Joe Biden dibîne ku ewlehiya Rojhilata Navîn bi ewlehiya Herêma Kurdistanê û Iraqê ve girêdayî ye.”

Palladino diyar kir, Amerîka wê demeke dirêj li Herêma Kurdistanê û Iraqê bimîne û got: “Herêma Kurdistanê yek ji girîngtirîn hevpeymanên Amerîka ye.”