Parlamentoya Katalonyayê bi fermî Rêveberiya Xweser nas kir

PeyamaKurd – Parlamentoya Katalonyayê, bi piraniya dengan Rêveberiya Xweser a Rojavayê Kurdistanê bi fermî nas kir. Parlamenterekî Katalan jî tekez kir: "Em dostên Kurdan in."

Parlamentoya Katalonyayê, di rûniştina xwe ya taybet a salvegera rizgarkirina Reqayê de ji DAIŞê, bi piraniya dengan Rêveberiya Xweser a Rojavayê Kurdistanê bi fermî nas kir.

Di dengdanê de, 111 dengên erê û 18 dengên na hatin bikaranîn.

Bi vî awayî, Parlamentoya Katalonyayê bû yekemîn parlamento ku Rêveberiya Xweser a Rojavayê Kurdistanê nas kir.

Parlamenterekî Katalan di dengdanê de axivî û diyar kir: “Dibe ku Parlamentoya Navendî ya Spanyayê ku bi Tirkiyê re hevkariyê dike, vê biryarê nas neke. Qet ne girîng e. Divê em nîşanî wan bidin ku em dostên Kurdan in."