Karmendên derziya Koronayê li xwe nedabin mûçeyên wan nayê dayîn

PeyamaKurd – Berpirsê Giştî yê Tenduristiya parêzgeha Helebcê ya Herêma Kurdistanê diyar kir, her karmendê/a ku derziya Koronayê li xwe nedabe, mûçeyê wî/wê nayê dayîn.

Berpirsê Giştî yê Tenduristiya Helebcê Dr. Azad Mistefa da zanîn, ji bo parastina tenduristiya bajêr û nehiştina vîrusa Koronayê, me biryar daye kîjan karmenda/ê me derziya Koronayê li xwe nedabe, em mûçe nadinê heta derziyê li xwe dide.

Dr. Azad Mistefa bang li wan karmend û nojdarên ku derzî li xwe nedane kir ji bo lêdana derziyê lezê bikin yan jî her hefte testa Koronayê bikin.