Li Wanê 15 koçber hatin desteserkirin

PeyamaKurd – Rêvebiriya Giştî ya Ewlekariya Wanê bi daxuyaniyekê diyar kir,  22ê Mijdara 2021ê tîmên Şaxa Deriyên Sînorî û Qaçaxçîtiya Koçberan li navenda parêzgehê li ser  gumanê li otêlekê dest bi pişkinînê kirine û di encama vê pişkinînê de, di otêlê de 15 koçber dîtine û ew desteser kirine.

Li gor heman Rêveberiyê diyar kiriye, ligel 15 koçberên Afxanî  xwediyê otêlê jî di nav de 3 kesên gumanbar hatine desteserkirin û piştî lêpirsînê 2 kes bi merca kontrola edlî hatine berdan û kesê din jî hatiye girtin.

Koçberên desteserkirî paşê bo Navenda Paşdeşandinê ya Koç û Koçberan a Wanê hatine veguhestin.

Piştî kontrolkirina Afxanistanê ji aliyê Talibanê ve, koçberên ku dixwazin biçin Ewropayê, di ser Îran re derbasî Tirkiyê dibin, zêdetir bûne û rojane li parêzgehên Bakurê Kurdistanê hejmareke zêde koçber tên desteserkirin.