Rusyayê, li ser projeya gaza xwezayî daxuyanî da

PeyamaKurd- Alîkarê Wezîrê Karên Derve yê Rusyayê Aleksandr Grushko got, li ser projeya Rusyayê ku dê li Tirkiyeyê navenda gaza xwezayî damezirîne, daxuyaniyek da.

Aleksandr Grushko, di daxuyaniyê de bal kişand ser pêvajoya projeyê û got,

"Navenda gaza xwezayî, fikireke bi temamî zelal e. Em hêvîdar in ku ev yek pêk were. Bi kurtasî, hem welatên hilberînerên gazê û hem jî yên xerîdar jî di nav de dê di berjewendiya her kesî de be. Bê guman. Heger kesên ku bi rastî bi gaza xwezayî re eleqedar dibin, divê helwesteke maqûl nîşan bidin. "

Grushko destnîşan kir ku îro bi taybetî li Rojava gelek kes qala derbasbûna enerjiya kesk dikin û diyar kir ku ev veguhertin bi qasî ku "xeyalên" cîhaneke bê karbon difikire, bi lez û bez nikare pêk were.

Aleksandr Grushko got, "Hemû aborînasên ku bi aqil difikirin, fêm dikin ku gaz wekî sotemeniya karbonê ya herî paqij, dê bi salan her çend demkî be jî çavkaniya sereke ya enerjiyê bimîne. Ji ber vê yekê, îstîqrara dabînkirinê, aramiya daxwazê, aramiya derbasbûnê, aramiya avhewayê ya qanûnî ku tê de danûstendin tên hîskirin û pêşbîniya stratejiyên enerjiyê ya ku me bi salan kiriye ev e.”