Li Singalê goreke din a komî hat dîtin

PeyamaKurd – Hat ragihandin, li Şingalê goreke din a komî heye ku Êzîdiyên di sala 2014an de ji aliyê DAIŞê ve hatin qetilkirin, hatin definkirin.

Li taxa Sîba Şêx Xidir a Şingalê goreke komî hat dîtin.

Çalakvanê Êzîdî Nacî Xaci diyar kir, goreke komî li başûrê Çiyayê Şingalê hatiye dîtin.

Nacî Xaci eşkere kir, di gorê de çend cenaze hatine dîtin, hêj nehatine tespîtkirin û diyar kir ku wan agahî dane saziyên pêwendîdar.

Piştî ku Şingal ji destê DAIŞê hat rizgarkirin, li gelek deverên bajêr gorên komî hene.

QIRKIRINA EZÎDIYAN

DAIŞê di 3ê Tebaxa 2014an de êrîşî Şingalê kir ku Kurdên Êzîdî lê dijîn, bi hezaran Êzîdî yên bêguneh qetil kirin, di gorên komî de defin kirin û bi hezaran jî revandin.

Rizgariyên DAIŞê, ku piraniya zilamên Êzîdî yên ku revandibûn, îdam kirin û jin û keçên wan firotin bazara koleyan, bi rêya vegotina bûyerên qewimîn, dengê xwe ji cîhanê re ragihandin.

Hikûmeta Herêma Kurdistanê jî bi avakirina Ofîsa Rizgarkirina Êzîdiyan li bajarê Dihokê, hewl da ku kesên revandî ji destê DAIŞê rizgar bike, bi vî awayî zêdetirî nîvê revandiyan gihan malbatên xwe.

Çarenivîsa derdora 3000 Kurdên Êzîdî hîn ne diyar e.