Îdiaya ecêb! Ji MÎTê operasyon li Mossadê!

PeyamaKurd – Di operasyona MÎTê ya li Tirkiyeyê, 13 kesên ku tê îdiakirin endamên îstixbarata Îsraîlê Mossad in hatine girtin.

Di çarçoveya lêpirsîna ku bi kordîneya Rêxistina Îstîxbarata Neteweyî ya Tirkiyeyê (MÎT), Serdozgeriya Komarê ya Stenbolê, şirketeke bi Îranê ra têkiliyên bazirganî û şaneya sîxuriyê ya 15 kesî ya ku 23 kesan gav bi gav dişopand hat kirin. Hedefa Mossadê, li Stenbolê hatin deşîfrekirin.

Li gorî nûçeya Mustafa Sait Özkan ji Sabahê; Şaneya sîxuriyê ya ku ji aliyê Servîsa Îstixbarata Îsraîlê Mossad ve li Tirkiyeyê hatibû avakirin, hat eşkerekirin. Di çarçoveya lêpirsîna ku 1,5 sal in bi kordîneya MÎT û Serdozgeriya Komarê ya Stenbolê hat kirin da hat tespîtkirin ku Mossad li Tirkiyeyê li dijî 1 şirket û 23 kesên ku têkiliyên wan ên bazirganiyê yên bi Îranê ra hene, xebatên sîxuriyê kiriye.

Paketeke gefxwarinê ku ji yek ji kesên hedef hatiye şandin re hişt ku tora ku 1,5 sal gav bi gav hate şopandin, were deşîfrekirin.

Li gorî nûçeyê, Mossad bi rêya Serkan Ozdemîrê FETO yê berê personelê TSKê yê reviyayî, xwe gihand Selçûk Kuçukkaya serokê şaneya sîxuriyê. Di operasyona ku do ji teref Polîsên Stenbolê ve hat lidarxistin de Selçuk Kuçukkaya jî di nav de 11 gumanbar hatin girtin ku tê îdiakirin ku serokê tora ku ji teref Mossadê ve li Ewropayê hatiye perwerdekirin e. Ji bo girtina 2 gumanbaran xebat dewam dikin.