Îran: Elektrîka herêmên elektrîka wan hatibû qutkirin hat

PeyamaKurd - Îranê ragihand ku elektrîk ji bo deverên Tehran û Kerecê yên ku elektrîk lê hatibû qutkirin, hatiye vegerandin.

Li gorî medyaya Îranê, qutbûnên elektrîkê yên herêmî yên ku piştî êrîşên Amerîka û Îsraîlê yên li ser Îranê çêbûne, hatine çareserkirin. Elektrîk ji bo deverên bandordar ên li Tehran û Kerecê hatiye vegerandin.

Wezareta Enerjiyê ya Îranê ragihandibû ku ji ber êrîşên li ser tesîsên elektrîkê li hin deverên Tehran û parêzgeha Alborzê qutbûnên elektrîkê çêbûne.

Wezaretê diyar kir ku xebat ji bo çareserkirina pirsgirêkê didomin.

Operasyona hewayî ya hevbeş a Amerîka û Îsraîlê ku roja Şemiyê, 28ê Sibata 2026an, li dijî Îranê dest pê kir, aloziyên li herêmê gihand asta herî bilind.

Ji bo tolhildana van êrîşan, Îranê moşek avêtin Îsraîlê û baregehên leşkerî yên Amerîkî yên li herêmê hedef girtin.