Îranê Qesra Serokkomariya Sûriyeyê û du otêlên li Şamê wek "hedefên leşkerî" ragihandin

PeyamaKurd - Ajansa Nûçeyan a Farsê  a nêzîkî rejîma Îranê ragihand ku Tehranê sê cihên krîtîk ên li Şamê wekî "hedefên leşkerî yên rewa" îlan kirine.

Di nav van cihan de Qesra Serokkomariya Sûriyeyê, Otêla Four Seasons û Otêla Sheraton hene.

Li gorî nûçeyê, Îran îdia dike ku ev her sê navend ji bo kombûn û bicihbûna "pispor û şêwirmendên Amerîkî, Îsraîlî û Brîtanî" têne bikaranîn.

Her wiha di raporê de hat destnîşankirin ku otêlên pênc-stêrk ên li welatên wekî Behrêyn û Mîrnişînên Yekbûyî yên Erebî (UAE) ku hêzên Amerîkî lê dimînin, ji bo Îranê di çarçoveya "parastina xwe" de wekî armancên rewa têne hesibandin.