Îsraîl û Misir ji bo danîna sîstema çavdêriya elektronî li ser sînorên Xezeyê hevdîtinan dikin

PeyamaKurd – Ajansa Reutersê ragihandiye ku şandên danûstankar ên Îsraîl û Misrê bi mebesta vekişîna hêzên Îsraîlê ji herêmên sînorî, li ser danîna sîstema çavdêriya elektronî hevdîtinan dikin.

Li gorî çavkaniyên ewlehiyê yên Misrî di navbera şandên Îsraîl û Misrê de, ji bo danînsa sîstema elektronî ya çavdêriyê li ser sînorên Xeze û Misrê danûstandin têne kirin.

Heman çavkaniyan diyar kiriye ku wê ew sîstem li korîdora Philadelpia herêmên aliyê Misrê bê avakirin û mebest jî bi wê sîstema elektronî ya sensoran tespîtkirina qaçaxçîtiya çekan û tunelên Hemasê ye.

Reutersê daye zanîn ku çavkaniyên Misrî gotine, ger Amerîka piştevanî û alîkariyê ji bo danîna wê sîstemê bide, ew li dijî wî fikrî dernakevin.