Îsraîlê fermandarê Hîzbûllahê yê pilebilind kust

PeyamaKurd – Artêşa Îsraîlê ragihand ku li başûrê Lubnanê êrîşa hewayî biriye ser Hîzbûllahê û fermandarê Hîzbûllahê yê pilebilind Hasan Huseyin Selamî kuştiye. Her weha Hîzbûllahê jî mijarê piştrast kir.

Selamî, di nav Hîzbûllahê de berpirsê Yekîneya Nasir û ji avêtina tanksawarên ser Îsraîlê berpirs bû. Li gor çavkaniyên ewlehiyê; pileya Selamî di asta tûxgeneral de bû.

Li gor ragihandina Hîzbûllahê ya nivîskî; Selamî li başûrê Lubnanê li bajarokê Mecadilê di êrîşa artêşa Îsraîlê de hatiye kuştin. Bi Selamî re jimara kuştiyên Hîzbûllahê heya niha gihaye 218 kesan.