Kanada hejmara koçberan kêm dike

PeyamaKurd – Kanada diyar kir ku ew ê hejmara koçberên ku dikevin welêt 2 salan kontrol bikin û polîtîkaya kêmkirina wê bişopînin.

Serokwezîrê Kanadayê Justin Trudeau diyar kir ku plana Asta Koçberiyê ya 2025-2027an pêr hat eşkerekirin.

Di daxuyaniya ku di çarçoveya planê de hat dayîn de wiha hat gotin: “Koçberî ji bo serkeftin û geşbûna aborî ya welatê me girîng e. Di bersivdayîna hewcedariyên guheztina welatê me de, ev plan wê di demek kurt de mezinbûna nifûsê rawestîne da ku bigihîje mezinbûna baş-rêvebir, domdar. Em ê di nav du salên pêş de hejmara koçberên ku werin Kanadayê bi girîngî kêm bikin. Ev rewşek demkî ye. Ji bo rawestandina mezinbûna nifûsa me û misogerkirina vejandina aboriya xwe. Divê em piştrast bikin ku pergal ji bo hemî Kanadayî baş dixebite."

Trudeau di daxuyaniya xwe ya li ser polîtîkayên koçberiyê de destnîşan kir ku koçberî ji bo paşeroja welêt girîng e, lê divê ev pêvajo bi kontrol û domdar be.

Trudeau diyar kir ku wê di sala 2025an de ji 395 hezar koçberan re destûra rûniştinê ya daîmî bê dayîn, ev hejmar di sala 2026an de wê dakeve 380 hezarî û di 2027an de jî dakeve 365 hezarî. Wî diyar kir ku ev kêmbûna hejmara koçberan ji bo guhertinên pêwîst di warê tenduristî, xanî û xizmetên civakî de girîng e.