Kati Piri: Ger Tirkiyê saredarê Stenbolê ji kar dûr bixe wê encamên wê giran bin

PeyamaKurd - Raportora Tirkiyê ya Yekîtiya Ewropayê (YE) Kati Piri diyar kir ku ger şaredarê Stenbolê ji kar were dûr xistin wê encamên wê giran bin û hişyarî da Tirkiyê.

Piri ji ser medya civakî da zanîn ku hikûmeta Tirkiyê bajarvanan ji karên wan dûr dixe û bal kişand ku wezîrê karên navxweyî yên Tirkiyê dijî şaredarê Stenbolê Ekrem Îmamoglu gefan dixwe.

KatiPiri Got, “Ger wî ji kar dûr bixin wê bo peywendîyên YE û Tirkiyê encamên giran çêke.”

Raporta YEyê Tirkiyê Piri diyar kir ku hikûmeta Tirkiyê berî biryarê divê du caran bifikire.

Şaredarê Amed, Mêrdîn û Wanê meha borî ji aliyê wezareta navxweyî ya Tirkiyê ve ji kar hatibûn dûr xistin û li şûna wan qayum hatibûn wezîfedarkirin.

Wezîrê Navxwe yê Tirkiyê Suleyman Soylu ku bi biryara wezareta wî bi tayînkirina qeyûman dest danîbûn ser 3 şaredariyên bajarên Amed, Mêrdîn û Wanê, niha jî bo şaredariya Stenbolê gef li Şaredarê Bajarê Mezin ê Stenbolê Ekrem Îmamoglu xwaribû Soylu li ser pirsa rojnamevanan a îhtimala tayînkirina qeyûm bo Stenbolê, gotina pejmurde bo Îmamoglu û wesayîtên ku Îmamoglu wekî nîşandana îsrafa AKPê li meydana Yenikapiyê kom kirine got, “Ez ê zêdetir tiştan sibeha Yekşemê bêjim.”