Keça Rafsancanî: Bavê min ne li dijî pêwendiyên Amerîka, Îsraîl û Siûdî bû!

PeyamaKurd – Keça serokomarê berê yê Îranê Haşimî Rafsancanî ya reformîst Faîze Rafsancanî, di kanala Al Sharq de beşdarî bernameya Al-Madar bû û daxuyaniyên girîng dan.

Faîze Rafsancanî got ku dema bavê wê serokomar bû, hewl dide pêwendiyên ligel Erebistana Siûdî baş bike, piştevaniya ji nû ve danîna pêwendiyên ligel Amerîkayê dikir û ne li dijî pêwendiyên ligel Îsraîlê bû.

Rafsancanî da zanîn ku hin muhafezekarên Îranê naxwazin bi welatên rojavayî re peymana nukleerî bê kirin û hinek jî li dijî Amerîkayê diruşman diqîrin, lê zarokên wan jî li zanîngehên Amerîkayê dixwînin.

Faîze Rafsancanî di bernameyê de, bal kişand ser rewşa jinan li Îranê û got ku bi behaneya olê jin ji gelek mafan mehrûm hatine hiştin û şerîet bixwe jî vê cudaxwaziyê qebûl nake.

Herwiha Rafsancanî diyar kir ku ew ne bi hêviye ku di heyama seroktiya Joe Biden de, peymana nukleerî ji nû ve were zindîkirin.