Koreya Basûr: Ji wî welatî mosekek balîstîk hat avêtin!

PeyamaKurd – Artêşa Koreya Başûr ragihand, moşekeke balîstîk ji Koreya Bakur ber bi ava rojhilatê welêt ve hatiye avêtin.

Li gor daxuyaniya Sererkaniya Koreya Başûr derbarê rewşa navborî de, moşeka balîstîk a menzîl kurt a ku ji Kangwon a peravên rojhilatê Koreya Bakur hat avêtin, ket Deryaya Japonyayê.

Ceribandina moşekê li gorî saeta herêmî di saet 10:48an de hat kirin.

Hikûmeta Japonyayê diyar kir, îhtîmala ketina fuzeya balîstîk a li herêma aborî ya taybet a neteweyî ya Japonyayê, hê di qonaxa piştrastkirinê de ye.

Sekreterê Kabîneya Japonê Matsuno Hirokazu da zanîn, zanyariyên derbarê moşekê di qonaxa analîzê de ne û welatê wî, wê li ser hevkariya Amerîka û Koreya Başûr berdewam be.

Hêjayî balkişandinê ye, ev êrîş piştî ku rêveberiya Pyyonangê got, ger "kampanyaya berferehkirina rêgirtinê" ya Amerîkayê bidome, em ê tevgereke leşkerî ya "bi tundtir" bikin hat.