Di teqîna Serêkaniyê de yek ji wan bi giranî 4 sivîl birîndar bûn

PeyamaKurd – Hat ragihandin ku li bajarê Serêkaniyê yê ji aliyê artêşa Tirkiye û komên çekdar ve hatiye dagirkirin, teqînek çêbû.

Li gorî zanyariyan teqîn li sûka sebzeyan a bajarê Serêkaniyê rû daye û yek ji wan bi giranî 4 kesên sivîl birîndar bûne.

Hat diyarkirin ku birîndar bo nexweşxaneya Serêkaniyê hatine veguhestin û rewşa yek ji birîndaran giran e.

Hêjayî bibîrxistinê ye, ji meha Cotmeha 2019an ve ku Serêkaniyê hatiye dagirkirin, teqîn çêdibin û heya niha gelek kes bûne qûrbaniyên wan êrîşên bombeyî.