Li Çînê metirsiya pêla duyem a koronayê: Deriyê bajarekî hatin girtin!

PeyamaKurd – Li welatê Çînê ku vîrusa koronayê ji bajarê Wuhanê belavî hemû dinyayê bûye, pêla diduyan a vîrusê dest pê kir.

Li gorî zanyariyan têkiliya bajarê Çînê Jilin ku bêhtirî 4 milyon serjimariya wê heye, ji derve re hatiye qutkirin û hemû çûnûhatin hatiye qedexekirin.

Herwiha li wî bajarî hemû dam û dezgehên fermî, kerta taybet, cafe, restoran, sînema, salonên sporê û gelek kargehên din hatine girtin.

Li gorî medyayê Çînê biryara îzolekirina bajarê Jilin bi sedema hevsînorbûna Rûsya û Koreya Bakur wekî parastina ji belavbûna koronayê wergirtiye.