Li Îdlibê teqîn: 2 kustî, 50 birîndar

PeyamaKurd - Li Îdliba bajarê Sûriyeyê wesayîta bombebarkirî hat teqandin, di encama teqînê da li gor tesbîtên ewil 2 sivîl hatin kuştin, 50 sivîl jî birîndar bûn.

Mistefa Hecî Yusifê Midûrê Parastina Sivîlan a Îdlibê (Komsipî) daxuyanî da û diyar kir ku li navenda bajêr wesayîta bombebarkirî înfilaq kir.

Yusif got, "Di encama teqînê de li gor tesbîtên ewil 2 sivîl hatin kuştin, 50 sivîl jî birîndar bûn."

Hat destnîşankirin ku birîndar rakirin nexweşxaneyên li der û dorê, di teqînê da zirar li gelek xanî, wesayît û avahiyan ket.

Hetanî vê gavê tu kesî berpirsyariya teqînê hilnedaye ser xwe.

Meha borî li Îdlibê li pêşiya nexweşxaneyekê teqîn çêbibû, di teqînê de 12 kes hatibûn kuştin û 25 kes jî birîndar bibûn.