Li Kabûlê di navbera Talîban û DAISê de ser derket

PeyamaKurd – Li Kabûla paytexta Afganistanê di navbera hêzên Talîbanê û rêxistina terorîst DAIŞê de şer derket.

Berdevkê Talîbanê û Cîgirê Wezîrê Kulturê Zabîhullah Mucahîd ragihand ku li herêma 17 ya  polîsan li Kabûlê, operasyonek li dijî çekdarên DAIŞê hatiye kirin û di navbera wan de şer derketiye.

Zabîhullah got ku stargeha DAIŞîyan di operasyonê de hatiye ruxandin û endamên DAIŞê yên li wir jî hatine kuştin.

Li gorî şahidên bûyerê jî şeva borî di navbera Talîban û DAIŞê de li Kabûlê pevçûneke çekdarî çêbûye û dengê teqînan hatiye bihîstin.

Şeva borî jî li ber mizgefta Eidgah a Kabûlê teqînek çêbûbû û 5 kesan jiyana xwe ji dest dabû.