Li Manîsayê qezaya tir û otobusê: 11 mirî, 26 birîndar

PeyamaKurd - Li navçeya Akhîsarê ya parêzgeha Manîsayê ya Tirkiyeyê, li ser otobana Stenbol-Orhangazî-Îzmîrê, di encama qezaya tir û otobusa rêwiyan de bîlançoyeke giran derket holê.

Di qezayê de herî kêm 11 kesan jiyana xwe ji dest dan û 26 kes jî birîndar bûn.

Qeza li ser xeta ber bi Îzmîrê di derdora taxa Ballîcayê de çêbû, di encama qezayê de otobusa rêwiyan wergeriya û tir jî ji rê derket.

Piştî agahdarkirinê hejmareke zêde ya tîmên agahdarî, îtfaiye û cendermeyên trafîkê sewqî cihê bûyerê hatin kirin.

Birîndarên qezayê bi ambûlansan sewqî nexweşxaneyên derdorê hatin kirin û ji bo dermankirinê xistin bin çavdêriyê. Li ser bûyerê lêpirsîneke berfireh hate destpêkirin.