Li Pakistanê di pevçûnê de 3 lesker û 5 berxwedêr jiyana xwe ji dest dan

PeyamaKurd – Li Pakistanê li eyaleta Hayber Pahtunhvayê li nêzî devera Bajaurê ku dikeve ser sînorê Pakistanê, di pevçûnê de 3 leşker û 5 çekdar jiyana xwe ji dest dan.

Hat gotin ku 5 kes xwestine sînorê Pakistanê derbas bikin, di navbera wan û eskeran de şer derketiye û di encamê de 3 leşkerên Pakistanê û 5 çekdarên din ku nasnama wan nehatiye aşkerakirin, hatine kuştin.

Rojnama Dawnê ragihand ku beşa têkiliyên bi gel re ya artêşa Pakistanê (ISPR), di mijarê de ragihandiye ku 5 kes xwestine sînor derbas bikin û lewra şer derketiye.

Serokkomarê Pakistanê Asıf Ali Zerdari, di daxwuyaniya xwe de ragihandiye ku ji ber candayiyan xemgîne û leşkerên can dane, wan bi rêz bibîraniye.

Pakistan gelek caran dibêje ku êrîş ji aliyê Talîbanê de ya ku Afganistanê xwe bicîhkiriye û ‘Talîban a Pakistanê’ ye, van êrîşan dike lê rêvebiriya Afganistanê qebûl nake.

Pakistan her weha perçekî ji axa Belûcistanê dagir kiriye û rêxistinên Belûciyan hene ku dixwazin axa xwe ji bin destê Pakistanê derxin. Car caran ew jî li nav Pakistanê tevgerên çekdarî dikin bi taybetî li eyaleta Belûcistanê.